Pro quo Occidental

Desde 1949 li lingue in quel yo scri ti textu se nómina Interlingue. Li anterior nómine esset Occidental e ancor in nor dies mult hómes usa ti ancian nóme. Li contr-argument es que li nómine Occidental es tro ligat al Occident, quasi to vel esser un erra. Lass nos explorar li pro e con de usar li ancian Occidental.

Pro quo interlingue

In le fin del quarants del passat sécul li lit occidental-movement esset combattet por revivificar li movement pos li duesmi mundial guerre, durant quel li movement esset practicmen eradicat.

Un forti inspiration certmen anc esset li existentie del International Auxilingue Association (o fórsan plu correctmen Li association por un International Auxilingue) con su interlingua quel esset in le processu de creation.

Li guident occidentalistes proposit conlaboration inter li occidental-movement e interlingua, lu quo Gode cathegoricmen refusat. Durant li primi annus de interlingua it havet un forte exposition in li presse e it ne es estrangi que mult occidentalistes esset atrahet a interlingua.

Tro romanic
ma li fort tendenties a atraher interlingua al romanic lingues rende it tro rigid e dependent del romanic lingues e diminue li paneuropi caracter del lingue.