John Godson es membre del Sejm, li polonesi parlament. Il es un del tre poc imigrantes in li Sejm e ha ha devenit tre actual in Polonia pro su surprendent declarationes pri to, que il plu crede li Biblia quam li teories Darwinian pri li evolution. Quam il dit in un discussion in le TV: "Vu crede que vu deveni de simias, ma yo save que yo es creat per Deo." Li responses esset sovent que it es un scandal que un persone qui fa tal declarationes es parlamentario.
Mi impression es que li discussion inter credentes e ateistes in Polonia es tro elitisti. Li ateistes regarda li credentes quam stupidi e ínculturat, e li credentes declara que li ateistes ne posse esser totmen normal!
Influentie de USA?
Yo me questiona si to ne es un influentie del Unit States, nam ta il havet li famosi processu u li judice posit li famosi question, "si ti teorie vell esser correct, mi avo vell har esset un simie!"
Ma in principie it ne deve esser un conflicto inter scientie e religion in ti question, nam noi pove vider li narrationes in Biblia quam mites queles explica pro quo li coses es quam ili es.
It sembla que on posse far ti distinction in Eurasia, ma ne in li Unit States, e ti idés se propaga in Europa in li forme de Intelligent Design.
Inga kommentarer:
Skicka en kommentar