Li polonesi parlament, li Sejm, ha rejectet un proposition del guvernament pri introduction de ritual buchada. Li sejm rejectat li proposition per 222 contra 178 voces. 9 parlamentaries ne votat.
Multo in li media
It ha esset mult discussiones pri li ritual buchada in television e presse durant li últim témpor. Lu surprisant es que il sembla que on posse buchar animales sin causar sufrentie a les e in li sam témpor sequer li réguls del religiones. Il se tu tracta pri islam e judaisme. Representantes de ti du religiones fat un – in se – sympatic alliantie, considerant li lucte in altri partes del munde. Mem le state Israel ha protestat contra li decision del Sejm e ha menaciat tirar Polonia ante li Comission del EU o altri potent mundial institutiones.
Hay solutiones
Secun mi comrension hay metodes per quel on posse buchar sin causar sufrentie al animal e in li sam moment satisfacer li opiniones del religioses. Yo ne save si to vale por e judaismo e islam, ma yo save que in svedia hay islamic bucheros qui posse buchar e in li sami témpor sequer li sved leyes.
Por mi propri parte yo pensa que it es estranie que it es tant désfacil por li religiones adaptar se al moderni témpor.
Inga kommentarer:
Skicka en kommentar