Secun Radio Svedia sempre minu hómines participa funerales. Li cause es – secun li radio – que li hómines vive plu privatmen e have altri sortes de contactes con amicos per li internet etc, e que familia e parentité lude un altri role in nor moderni societé.
Secun un raport del national organisation de funeral buros li númere de participants es diminuet de 50 a 25 personas medie in li funeral ceremonies.
Un altri explication secun me es que hómines vive plu longtem, e durant li final annus ili soventmen deveni plu isolat, pervivente in un hemes por oldi persones, e per li annus li oldes perdi sempre plu li contact con amicos e conossetes, e deveni – qualmen un prestre expresset li cose – socialmen morti.
To explica li micri númere de participantes in funerali ceremonies. On vole tener omnicos in le familie e li maxim proxim amicos.
Un altri interessant fact que yo ha notat, es que li participantes in funerales ne sempre porta nigri vestiment. Yo ha videt funeralparticipantes in jeens e sandales.
Heh, tristi
SvaraRadera