Hodie yo vole scrir alcun paroles pri li blog Page F30 quel es scrit per Mithridates e contene interessant material, quelcvez anc pri occidental, ma in general il scri pri varie formes de lingues.
Norvegian, li max facil lingue por anglesi parlatores. Ci quelc comentes posse esser de auxilie: Li norvegian ha du scrit formes, bokmål (li literari lingue) e nynorsk (novnorvegian). Li bokmål es principalmen scrit dan lingue con alcun adjustments por li norvegian pronunciation. Li norvegianes aprendet li lingue inn li scoles e nam to esset un lingue quel esset recivet, su gramatica devenit plu simplic quam ti de original dan.
Nynorsk es basat in norvegian dialectes e es pro to plus proxim al parlat dialectes.
Nu, principalmen e bokmål e nynorsk es scrit lingues. On parla su dialect local e scri bokmål e nynorsk. Pro li influentie del mass-medies un sempre plus gran númere de hómines parla plus o minus quam on scri bokmå, e un parlat forme de bokmål es to quo on strue a exterlandanes queles vole aprender norvegian.
Li fact que on parlat pri norvegian scrit lingue es certmen un seque del romantisme in li comense del 19-esim sécul. In li 18-esim sécul on scrit in dan lingue. Un del max grand scritores in li dan literature esset de facto norvegian, nascet in Bergen. Yo pensa pri Ludvig Holberg. Ti celebri scritor essset un vez atacat per un huligan in li Hamletian cité Helsingør. Li atacant credet que Holberg esset sved! To naturalmen pro li pronunciation de Holberg.
Li dan pronunciation ha subeat tre rapid cambies, e pro to li pronunciation del danes es in nor dies tre dificil por sued parlatores e postula mult practica de escutar. Pro to mult suedes prefere parlar li anglés in conversationes con daneses.
Si lingues es vor interesse, li blog f30 es li blog por vu.
torsdag 29 september 2016
fredag 23 september 2016
Politicos e mytes pri li Europan Union
Durant omni annus quand Suedia ha esset membre del Europan Union yo ha audit politicos in nor land queles ha dit que varii controversal decisiones ha esset causat de Brussel, ma in li realitá li decisiones ha esset prendet per nor propri landal politicos e totmen ne de Brussel.
E it es li sam discussion pri li enorm potentie de Brussel vers li membre-landes. Un pedagogic exemple es li Commission e li europarlament queles ha criticat Polonia pro su tractament del tribunal constitutional, quo es vermen criticindi, ma to totmen ne ha fat Polonia changear su politica. Li politicos simplicmen ignora, ne presta attention a to quo on di in Brussel.
Un altri exemle del manco de subordination es le attitude de Hungaria coram li Union, que vole que Hungaria reprende migrantes, quel ha venit a Suedia e Germania por serchar politic asyl. Ma Suedia e Germania es plen e ne posse acceptar plus de migrantes, e tande on di que ili ha venit a Hungaria quam prime land. Ma li hungares di: "Vide li mappe. It es totalmen ímpossibil attinger Hungaria quam prime land del Union. Unesmi landes es Grecia e Italia. Li ordination de Dublin ancore es valid!" E que li commission e li europarlament di "Ne!" totmen ne es valid!
O esque alqui memora li confrontation de Austria pro migrantes, quande li controversal Jörg Heyder esset li lider in li land. On ne salutat li Austrian diplomates. Ma esque ti boycott sucutet Austria? – Totmen ne.
Talmen que quande partises quam li anglesi UKIP parla pri li ductature de Brussel, ili simplicmen menti o vive in un altri realitá. Que il se tracta de un manco de solidaritá con li reste de Eropa es naturalmen un argument quel ne fa impression a li Brexitanes!
In mi opinion li Union ha pluri questionabli coses, ma to posse haver anc un national guverne, ma to ne significa que noi di que nor respectiv landes va acter sin guverne!
E it es li sam discussion pri li enorm potentie de Brussel vers li membre-landes. Un pedagogic exemple es li Commission e li europarlament queles ha criticat Polonia pro su tractament del tribunal constitutional, quo es vermen criticindi, ma to totmen ne ha fat Polonia changear su politica. Li politicos simplicmen ignora, ne presta attention a to quo on di in Brussel.
Un altri exemle del manco de subordination es le attitude de Hungaria coram li Union, que vole que Hungaria reprende migrantes, quel ha venit a Suedia e Germania por serchar politic asyl. Ma Suedia e Germania es plen e ne posse acceptar plus de migrantes, e tande on di que ili ha venit a Hungaria quam prime land. Ma li hungares di: "Vide li mappe. It es totalmen ímpossibil attinger Hungaria quam prime land del Union. Unesmi landes es Grecia e Italia. Li ordination de Dublin ancore es valid!" E que li commission e li europarlament di "Ne!" totmen ne es valid!
O esque alqui memora li confrontation de Austria pro migrantes, quande li controversal Jörg Heyder esset li lider in li land. On ne salutat li Austrian diplomates. Ma esque ti boycott sucutet Austria? – Totmen ne.
Talmen que quande partises quam li anglesi UKIP parla pri li ductature de Brussel, ili simplicmen menti o vive in un altri realitá. Que il se tracta de un manco de solidaritá con li reste de Eropa es naturalmen un argument quel ne fa impression a li Brexitanes!
In mi opinion li Union ha pluri questionabli coses, ma to posse haver anc un national guverne, ma to ne significa que noi di que nor respectiv landes va acter sin guverne!
Prenumerera på:
Inlägg (Atom)